Wees kuberbewus

Oktober is Kuberbewustheidsmaand, `n geleentheid om bewustheid te kweek oor kubersekuriteitsrisiko's en hoe om
jouself daarteen te beskerm.

Alhoewel ons glo dat ons kuberslim is en nie uitgevang sal word nie, kry IT weekliks gevalle waar personeel en studente om die bos gelei word deur uitvissing. IT-personeel kan al die nodige maatreëls in plek sit, maar ons kan nie keer dat jy op gevaarlike e-posskakels kliek nie. Ons het jou waaksaamheid nodig om te help om jouself, jou kollegas en die universiteit beskerm.

• Gedurende Oktober sal ons daagliks wenke en skakels oor kubersekuriteit plaas op ons Twitter-rekening. Dié inligting
  is oop vir almal, selfs al is jy nie `n Twittergebruiker nie.
• In ons artikel oor die belangrikheid van kubersekuriteit sal
  jy ook wenkblaaie kry vir verskeie situasies.
• Om groter bewustheid te kweek oor algemene sekuriteitslaggate, is daar nou ook `n Inligtingsekuriteit Bewustheidsprogram aanlyn beskikbaar.
• Ons vorige nuusbriewe en blog is propvol inligting.
• Indien jy steeds hulp nodig het kan jy `n versoek aanteken op die ICT Partner Portal.

Tot volgende maand. Bly veilig aanlyn en in die wêreld daar buite.