Hallo 2017
Ons is een maand enkeldiep in 2017 en om jou in Februarie ʼn voorspoedige jaar toe te wens, is eintlik mosterd na die maal. Nietemin – mag die jaar jou goed behandel. Ons sal alles binne ons vermoë doen om dié jaar tegnologiese haakplekke tot ʼn minimum te beperk.
Ons nuusbrief se uitleg lyk voortaan anders sodat jy makliker en vinniger toegang tot belangrike inligting kan kry. Laat weet ons asseblief of jy dink die nuwe uitleg werk beter.
|
|
 |
Weerstaan die versoeking
Dis nie ʼn uitdaging vir kuber-misdadigers om toegang tot sensitiewe data te kry nie. Hulle hoef nie soos sluipdiewe van plafonne te hang en laser-alarms omseil om by bedieners uit te kom nie. Al wat nodig is, is een goedgelowige personeellid of student. |
|
 |
Wat is die oorsprong van kubermisdaad?
In 2016 is $450 biljoen se wins deur kubermisdaad genereer. Wêreldwyd is 2 biljoen rekords gesteel of verloor. Caleb Barlow, ʼn sekuriteitsdeskundige, praat in dié TED talk oor bestaande strategieë se onvermoeë om data te beskerm. |
